Во интервју за Атинската-Македонска новинска агенција, старецот митрополит Емануел од Халкидон порачалдека претстојната средба меѓу Патријархот на Константинопол и Папата има „огромна теолошка важност“ и не треба да се сведува само на церемонијален чин.
Како што истакнал, во спресрет на чествување на 1.700-годишнината од Првиот вселенски собор во Никеја, ова приближување имало за цел да ја потсети Црквата дека поделбата е ненормална состојба и дека Христовото единство е општествена и духовна потреба. „Во време кога светот се тетерави помеѓу фундаментализам и секуларизам, враќањето кон колевката на нашата заедничка вера е огледало: нè тера да се запрашаме — дали нашата теологија е живо искуство или само одбранбена оклоп околу нашите уверувања,“ рекол Емануел.
Митрополитот потенцирал дека присуството на двата верски водачи — Патријархот и Папата — испраќа јасна порака: во време кога „луѓе креваат ѕидови“, пастирите треба да ги рушат нештата што нè делат и да се стремат кон единство, кое, како што наведува, е „врската на совршенството“ Според него, нивното заедничко појавување не е политичка изјава ниту декларација, туку духовен чин — потсетник дека мирот е присуство на Бога во човечките односи, а не резултат на геополитички договори.
„Животот може да цвета само ако етнофилетизмот умре, а ароганцијата на моќта биде погребана“, порачалЕмануел, нагласувајќи дека вистинската победа е победата над смртта — преку слобода, љубов и братство. Со ваквиот став, Халкидонската митрополија ја придружува геополитичката и екуменската иницијатива, повикувајќи на духовно обновување и вистински дијалог помеѓу христијанските цркви во време на глобални конфликти и кризи.