Почетна Вера ГРУВЕСКИ: Взаемното почитување е столб на нашето пријателство
ГРУВЕСКИ: Взаемното почитување е столб на нашето пријателство

ГРУВЕСКИ: Взаемното почитување е столб на нашето пријателство

29
0

Nikola-Gruevski-VMRO-DPMNE mala„ПЕСАХ, празникот за поклонение и слава на слободата на еврејскиот народ, претставува пример за милениумската еврејска традиција која од поколение на поколение се пренесува во секое еврејско семејство, славејќи ги историското минато на еврејскиот народ, силната верба во Бога, огромното значење на семејството и взаемното почитување, “ пишува лидерот на ВМРО-ДПМНЕ Никола Груевски во честитката до претседателката на Еврејската заедница во Република Македонија и до припадниците на Еврејската заедница, што ја испратил за празникот Песах.

-Токму взаемното почитување ги карактеризира и односите помеѓу македонскиот и еврејскиот народ кои се симбол на повеќегодишното пријателство помеѓу Република Македонија и Државата Израел, а за кои значаен придонес имаат и сите наши сограѓани, припадници на еврејската заедница во Република Македонија, се вели во честитката.

Притоа, претседателот на ВМРО-ДПМНЕ посочува дека за пријателството меѓу двете држави говорат големиот број проекти реализирани изминатите години кои се директно насочени кон постојаното негување на споменот на Евреите и заштитата на еврејската култура и традиции во Македонија.

– Доказ за нашата заедничка посветеност за продлабочување на нашата соработка е и Декларацијата за пријателство меѓу Република Македонија и Државата Израел која ја потпишавме минатата година. Со оваа декларација дополнително ги зацврстуваме билатералните односи меѓу нашите земји и народи, отворајќи врата за продлабочување и интензивирање на нашата соработка во поголем број на области од взаемен интерес, истакнува Груевски во честитката.

НАПИШИ КОМЕНТАР

Your email address will not be published. Required fields are marked *