Грција ги истражува врските на локалните познати личности со Русија, вклучително и примањето плаќања од Русија, пишуваат грчките медиуми. Меѓу осомничените се 4 митрополити, 20 игумени на манастири и други лица.
Грчката црна листа вклучува вкупно 280 истакнати личности поврзани со руските интереси и руските олигарси. Списокот е предаден на грчките истражители и тајните служби. Националната банка на Грција и Службата за перење пари ги истражуваат нивните трансакции на сметките на поединци, компании и банкарски сметки во Грција и Кипар.
Предмет на контролните механизми се различни бизнисмени поврзани со рускиот гигант за оружје РОСОБОРОНЕКСПОРТ, кој интензивно се развиваше во Грција. „Рособоронекспорт“ доби огромни суми за програмите за вооружување, снабдувањето со нафта и за навлегувањето на Русија во клучните области од јавниот живот.
Очигледно е дека блаженството на дарувањето и блаженството на примањето добиваат поинакви толкувања во услови на нетрпеливост издигната до степен на фашизам (всушност драстични прогонства на национална или на етничка основа). Факт е дека во Грција живее широка руска дијаспора: цели населби со големи руски заедници, впрочем и со свои новоизградени црковни храмови, во кои перманентно служат и одлични, многу грижливи и мошне плодни руски свештеници, сето тоа со меѓусебно длабоко разбирање и со вистинска меѓусебна љубов и благослов од локалните епископи. Таа икона на христијанско братољубие денес некој сака да ја расипе во име на етничка чистота на милјето на грчкото општество? Или во име на геноцидна чистота на НАТО воениот сојуз од секакви руски елементи, дури и од културни траги, од делата на христијанска милост на православните водачи и од грижата за иселениците на својот народ во далечна но пријателска земја? Кои се мотивите на тој прогон знаеме, а кои се целите допрва откриваме. Факт е дека она што го прави рускиот хабитус особено скапоцен е од онтолошка важност за човештвото и дека настојувањето да се оневозможува, оспорува или прогонува рускиот етникум како таков претставува не само самоуништувачка закана за човештвото против самото себеси туку и неодржлива богоборна идеја. Ова не го велат самите Руси туку фактите на одржливоста на природната виталност на светот како Божја даденост.