Гости од Света Гора, Бугарија, Грција и Албанија се поклонија пред моштите на Свети Јоаникиј
Свештеници, монаси и монахињи од Грција, Бугарија и од Света Гора биле гости на чинот на канонизација на Светиот Јоаникиј Ракотински, што Синодот на МПЦ-ОА денеска го изврши во Соборниот Храм во Скопје.
Според информациите на Религија.мк денеска во Скопје била група монахињи од Клисурскиот манастир во Бугарија. Меѓу нив било и монашкото сестринство на монахињата Таиса, кои во 2005 година го напуштија Вранишковски и заминаа во Бугарската Православна Црква кај Митрополитот Дометијан, кој минатата недела почина. Покрај монахињите од Македонија во групата имало и монахињи од Бугарија.
На чинот на канонизацијата присуствувал и отец Матеј од Митроплијата во Бер на Грчката Православна Црква, која поседува и честица од моштите на Светиот Јоаникиј.
Религија.мк дознава дека во Скопје денеска во Соборниот Храм гостин бил и монах од манастир на Света Гора, каде исто така се почитува делото на Јоаникиј ракотински.
На канонизацијата свој претставник имала и Албанската Православна Црква. Според нашите информации тоа бил отец Тодиј.
