Почетна Вести Ердоган по состанокот со Меркел: Неприфатлив е терминот „исламски тероризам“
Ердоган по состанокот со Меркел: Неприфатлив е терминот „исламски тероризам“

Ердоган по состанокот со Меркел: Неприфатлив е терминот „исламски тероризам“

141
0

Претседателот на Република Турција, Реџеп Таип Ердоган денес изјави дека употребата на терминот „исламски тероризам“ е неприфатлива и дека тој термин длабоко ги навредува муслиманите, јавува Anadolu Agency (AA).

20170202_2_21640712_18540917_WebПретседателот Ердоган денес во Претседателската палата во Анкара ја прими германската канцеларка Ангела Меркел, а по нивниот состанок и по состанокот на проширените делегации на двете земји, Ердоган изјави дека тоа била добра можност за да разговараат за билатералните односи и за важните регионални и глобални теми.

„Неприфатливо е да се користи терминот исламски тероризам поради терористичката организација ДЕАШ. Исламот и тероризмот никогаш не можат да бидат ставени на исто ниво. Исламот значи мир и ставањето на тој збор покрај зборот тероризам ги навредува припадниците на таа вера“, изјави Ердоган.

Повикувајќи ја јавноста да не го користи тој термин, Ердоган изјави дека не може немо да слуша такви неприфатливи изрази, а дека молкот би значел одобрување.

„Јас како претседател на држава и како муслиман, никогаш не можам да прифатам таков израз. Моментално во светот не постои никој што води толку одлучна и ефикасна борба против терористите на ДЕАШ. Сите зборуваат за тоа, но ние сме тие што со одлучност ја водиме и ќе ја водиме таа борба на теренот“, порача Ердоган.

20170202_2_21640712_18540919_WebТурскиот претседател Ердоган истакна дека меѓу терористичките организации нема разлика, и дека терористичката организација ФЕТО е исто што и терористичките организации ПКК, ПЈД или ЈПГ.

Тој истакна дека е прифатливо да се воспостави контакт и да се испратат документите и доказите доколку побегнат и засолниште во Германија побараат терористите на ФЕТО кои изведоа обид за воен удар во Турција, и додаде дека Турција досега испратила и 85 куфери со документи до САД, но дека сѐ уште се чека одлуката од американскиот суд во врска со барањето за испорачување на тие терористи.

„Ние воедно сме и сојузници во НАТО, две пријателски и сојузнички земји. Уверен сум дека за тие прашања ќе донесуваме поконцизни и побрзи одлуки со премисата дека задоцнетата правда и не е правда“, изјави Ердоган.
А.А.

НАПИШИ КОМЕНТАР

Your email address will not be published. Required fields are marked *