Турскиот претседател Реџеп Таип Ердоган смета дека жените кои не сакаат да станат мајка „се непотполни и имаат слабости“ повикувајќи ги сите да имаат најмалку три деца.
Во обраќањето пред турското Здружение на жени и демократија во Истанбул рекол дека ги поддржува жените кои имаат успешни професионални кариери, но нагласил дека тоа „не треба да им биде препрека да раѓаат деца“, пренесуваат медиумите.
Ова е најновата во низата контроверзни коментари на турскиот претседател за жените и нивната улога во општеството, оценува BBC, потсетувајќи дека минатата недела ги повика муслиманите да не користат контрацепција и да имаат повеќе деца.
