Чомлек на манастирски начин – по вкус на Бигорската кујна
Во деновите на велигденскиот пост, честопати се разменуваат рецепти за посна храна. Религија.мк, следниот период ќе се обиде да ви презентира неколку идеи што вкусно да подготвите дома, а да не го нарушите постот, секако ако сте се одлучиле да постите.
Овој пат нешто многу вкусно од кујната на Бигорскиот манастир.
Потребни состојки:
40 главици ситен кромид
2 главици лук
5 суви пиперки
10 печурки
1 шолја вино црвено
½ шолја масло
1 лажичка зачин
1 лажичка црвен пипер
4 ловоров листа
1 лажичка сол
Бибер во зрна
Начин на подготовка:
Кромидот се чисти, главицата лук се дели на чешниња (не се лупи), сувите пиперки и печурките се мијат и сецкаат на парчиња. Во длабок огноотпорен сад (најдобро е грне) се става еден ред од кромидот, па неколку чешниња лук, потоа сецканите пиперки и печурките и се зачинува со ловоров лист и бибер. Постапката се повторува уште еднаш и на крај се полева со претходно приготвена течност од вино, масло, зачин, пипер и сол. Грнето се става на оган и се остава да врие на тивко околу 3 часа.
Прилог:
Ова јадење може да се сервира со пире, ориз и слично.
Уживајте во постот.