Премиерот Зоран Заев го пречека бугарскиот Премиер, Бојко Борисов во струмичкиот манастир Водоча, кој е епархиско седиште на Струмичката Митрополија на владиката г. Наум.
На пречекот на Борисов, покрај владиката Наум беа уште тројца членови на Синодот на МПЦ-ОА, Европскиот митроиполит г. Пимен и Тетовско-гостиварскиот г. Јосиф и Кумановско-осоговскиот г. Јосиф.
Борисов по влегувањето во манастирот искажа почит кон владиците на МПЦ-ОА, бакнувајќи им рака на сите владици кои го пречекаа. Премиерот Заев му ги претставуваше и водено го запозна со нив.
Заев и Борисов заедно со владиците на МПЦ-ОА имаа кратка средба во манастирот, но засега нема детали за што е разговарано. Но, со чинот на пречек во манастирот, епархиско седиште на владиката Наму, сосема лесно може да се прочита пораката што ја испраќа Премиерот Заев, а таа е во насока на поддржувач на иницијативата за приближување на односите меѓу МПЦ-ОА и БПЦ.
