Почетна Вести Христијанство Бугарскиот патријарх: БПЦ ќе и даде Свето миро на МПЦ ако тоа го побара

Бугарскиот патријарх: БПЦ ќе и даде Свето миро на МПЦ ако тоа го побара

294
0

Бугарската православна црква ќе ја разгледа можноста да го сподели своето Свето миро со Македонската православна црква, ако тоа биде побарано, изјави денеска бугарскиот патријарх Неофит.

Поглаварот на БПЦ, кој во софискиот храм „Св.Александар Невски“ присуствуваше на преземањето на новоосветеното миро, рече дека БПЦ досега не го споделувала своето миро со други цркви, но ако МПЦ-ОА го побара тоа, прашањето ќе биде разгледано, пренесува Бгнес.

– Подготвувањето на Светото миро означува дека БПЦ е афтокефална, а само афтокефалните цркви имаат право да прават свое миро. Ние се радуваме поради тоа и денеска свечено го одбележуваме, изјави патријархот Неофит.

Годинашната подготовка на Светото миро е осмо во историјата на БПЦ. Според каноните, при подготовката треба учествуваат два свештеника – едниот кој го чита Светото евангелие, а другиот да го меша мирото. Подготовката трае три дена и три ноќи. Откако ќе биде пренесено во Светиот синод каде што се чува, мирото се става во специјални садови и се разнесува по епархиите кои го корситаст при крштевања и осветување нови храмови.

НАПИШИ КОМЕНТАР

Your email address will not be published. Required fields are marked *