Владиката Иларион – митрополитот Брегланички, бил изборот на Архиепископот г.г. Стефан, како администратор на испразнетата Дебарско-кичевска епархија, да отслужи прзнична литургија за денот на Свети Наум Охридски во неговиот манастир на Охридското езеро.
На 4 јануари 2025 година, во вечерните часови, беше отслужена Вечерна богослужба, на која по благослов на Неговото Блаженство Митрополитот Скопски и Администратор Дебарско-кичевски и Австралиско-сиднејски и Архиепископ Охридски и Македонски и на Јустинијана Прва г.г. Стефан, чиноначалствуваше Неговото Високопреосвештенство Митрополитот Брегалнички г. Иларион, во сослужение на архимандритот Нектариј, игумен на манастирот, протоерејот-ставрофор Никола Христоски, свештениците Димче Азески и Марко Спасовски и протоѓаконот Константин Донев.
Утредента, на 5 јануари 2025 година, беше отслужена света архиерејска Литургија, на којашто чиноначалствуваше Митрополитот Иларион, во сослужение на архимандритот Нектариј. По завршувањето на Литургијата, беше извршен чинот на Мал водосвет и беше прекршен празничниот колач, а Митрополитот Иларион се обрати кон неизбројниот верен народ со пригодна беседа, во којашто се задржа на животот и делото на преподобниот Наум, на неговата заслуга за Црквата Христова, како и за важноста за учеството на христијаните во активниот живот на Црквата, односно во Телото и Крвта Христови.
