Архиепископот Американски Елпидофор од Вселенската патријаршија е под жестоки критики од одредени кругови во Турција, кои бараат одземање на неговиот турски пасош поради јавни изјави во кои се говори за „Вселенска патријаршија“ и го користи историскиот термин „Константинопол“ наместо „Истанбул“, известуваат грчките црковни медиуми.
Контроверзијата произлегува од изјавите што Архиепископот Елпидофор ги дал за време на неодамнешното одбележување на Денот на независноста на Грција во Белата куќа. Според турскиот новинар и колумнист Ерол Кара, изјавите на Архиепископот Елпидофор биле „анти-турски“ и „скандалозни“.
