Почетна Вести Христијанство БАДНИКОВИ ПОВОРКИ: Родителите имаат право да го организираат семејнит живот согласно нивната религија
БАДНИКОВИ ПОВОРКИ: Родителите имаат право да го организираат семејнит живот согласно нивната религија

БАДНИКОВИ ПОВОРКИ: Родителите имаат право да го организираат семејнит живот согласно нивната религија

441
1

Здружението за возобновување на православни традиции “Бадникови поворки” реагира на изјавата претседателот на Првата детска амбасада, „Меѓаши“  Драги Змијанац, кој оценува дека пеењето на бадникарската песна „Вечниот Бог“ пред општинските згради е политичка и верска злоупотреба да децата за себе промоција на градоначалниците.

Реакцијата ја пренесуваме во целост:

Почитуван г. Змијанац,

Во врска со вашата изјава дека со Бадниковите поворки одржани на 06.01.2018 г. е направена “политичка злоупотреба на деца преку верски традиции од страна на актуелната власт”, ви го должиме следниот одговор.

  1. Организирањето на манифестацијата “Бадникови поворки” е чисто граѓанска иницијатива во која не се инволвирани ниту институциите на државата ниту црквата.
  2. Зад целосната организација на настанот стои Здружението на граѓани “Бадникови поворки” кое со овој настан возобновува древна православна традиција на прослава на Бадник и Божик со пеење божикни песни, а возобнувањето на ваквата традиција не започнува оваа година, туку трае веќе неколку години наназад.
  3. За секое вклучено дете во настанот, Здружението поседува Изјава за согласност од родител со што сите ваши сомнежи за било каква злоупотреба се неосновани.
  4. Во последниот месец од подготовките за големиот народниот настан лично ние, членовите на Здружението, упативме писма до Градоначалниците во кои ги замолуваме на ден 06.01.2018 како Татковци на општината, да ги отворат вратите за коледарчињата од својата општина кои ќе учествуваат во создавањето на најголемата коледарска дружина во православниот свет. Тоа што тие одговорија позитивно на нашата желба да ги посетиме, можеме да го оцениме само и единствено како одговорно однесување на првите луѓе на општината кон жителите на својата општина.
  5. Жалиме што неосновано, без никаков аргумент, одлучивте, на прв ден Божик, кој за нас е еден од најголемите и најрадосните празници, да се обидете да внесете немир меѓу нас православните христијани кои имаме потполно право да ги носиме нашите деца во православните храмови. Ние сме нивни родители и старатели и знаеме што е најдобро во подигањето и развојот на нашите деца, имаме право да ги учиме на нашата традиција на која можеме да се гордееме и да им укажеме дека не ни се неопходни Халовин и слични увезени традиции за да празнуваме во радост и веселие. Впрочем како што и нагласува Универзалната декларација за човекови права: “родителите или старателите на детето имаат право да го организираат семејниот живот во согласност со нивната религија или уверувања…” Или како што се вели во членот 18 од Конвенцијата за правата на детето дека “за се’ што се презема за детето и во негов интерес, одговорноста ја имаат родителите. “

Затоа, би било далеку пополезно во овој празничен период, наместо на неосновани обвинувања, сите заеднички да се посветиме на разубавување на животот на децата кои навистина се злоупотребувани, занемарени и оставени сами на себе.

Со почит,
Здружение “Бадникови поворки”

Коментар(1)

  1. Bravo za Badnikovite povorki! Sekoja cest za organizacijata. Decata treba da si ja znaat svojata vera Pravoslavna. Treba samo toplo da gi pozdravime vakvite cekori. Poglednete vo drugite pravoslavni zemji kakvi se povorki se organiziraat: http://www.orthochristian.com.

НАПИШИ КОМЕНТАР

Your email address will not be published. Required fields are marked *