Архиепископот Тирански и на цела Албанија Анастасиј испратил писмо со сочувство за упокојувањето на Митрополитот Тимотеј до Архиепископот Стефан. Во писмото Анастасиј го ословува поглаварот на МПЦ-ОА, како Архиепископ Охридски.
До
Блаженејшиот Архиепископ Охридски
Господин Стефан
Скопје
Блаженејши брате,
Со длабока тага ја примивме веста за преминувањето кон Господа на нашиот сакан брат, Неговото Високопреосвештенство Митрополитот Дебарско-кичевски, господин Тимотеј, кој со љубов, мудрост и смирение му служеше на народот што му беше доверен од Господа.
Изразувајќи го нашето топло сочувство, молиме Господ Исус Христос, Воскреснатиот од мртвите, да ја успокои неговата душа „на место светло, на место блажено, на место мирно.“
Секогаш со братска љубов во Него,
† Анастасиј
Архиепископ Тирански, Драчки и на цела Албанија
