Агатангел и Пимен повикаа да прекине омразата меѓу Македонците

Повардарскиот митрополит Агатангел и Европскиот митрополит Пимен, кои беа единствените двајца владици на МПЦ-ОА, кои за време на Референдумот беа активни на двете различни страни – Пимен за поддршка на реферндумот, Агатангел за подршка на Бојкотот, викендов во Струга демонстрираа единство. Двајцата беа учесници на Црковно-народниот собор во Калишта, а за своите верници направија и заедничка фотографија со која ги повикаа дека секој може да има свое мислење, но дека треба да прекине омразата еден кон друг.

Отец Пимен ја сподели фотографијата на својот Фејсбук профил и еве што напиша:

-Спротиставени ставови, а единствени во љубовта во Христа.
Време е да научите дека може да мислиме различно и да дебатираме за тоа, а сепак да не се мразиме.

Ако пак не извлечете поука сетете се на зборовите Христови:
“Штом Мојсеја и Пророците не ги слушаат, тогаш и да воскресне некој од мртвите, тие нема да му поверуваат.”(Лука 16,31)
Ај за многу години! Ум во глава и љубов во срцата, а не камен во раката, напиша отец Пимен како коментар на фотографијата.

/фото: Јулијана Тануровска

Поврзани написи:

Заживува монашкото братство во Мариово, уште еден монах Митрополитот Јосиф на средба со Албанскиот Архиепископ Анастасиј Манастирскиот комплекс „Света Богородица Перивлепта“ блесна во нов сјај Бугарската црква му подари на Бигорски честици од мошти на пет светители