Македонската, Бугарската и Српската православна црква заеднички го чествуваа денот на Свети Јоаким Осоговски. Заедничката литургија се одржа во манастирот посветен во негова чест кај Крива Паланка, празник кој воедно е и манастирска слава.
Со литургијата чиноначалствуваше Тетовско-гостиварскиот митрополит на МПЦ-ОА, Јосиф, а у сослужувале, домаќинот митрополит Кумановско-осоговски Григориј, заеднио со митрополит Видински Пахомиј и Епископот Велбуждски Исак, од Бугарската црква и (БПЦ) и епископот Хвостански Алексиј, од Српската црква, инаку Викар на патријархот Порфириј. Од МПЦ-ОА сослужувале и митрополит Дебарско-кичевски Георгиј и пензионираниот митрополит Јосиф.
Гости на оваа литургија беа и Премиерот Христијан Мицкоски, задно со министерот за Транспорт и врски Александар Николовски, пратениците Емил Спасовски, Љупчо Николовски и Оливер Спасовски, градоначалникот на Општина Крива Паланка Сашко Митковски и директорот на Државни патишта Коце Трајановски.
Ова сослужување на овие три цркви во Крива Паланка е исклучително значајно бидејќи означува заедничка прослава на овој голем светиотел на Православната црква, иако сите три цркви имаат различно толкување за неговата припадност. МПЦ-ОА го смета за македонски светител, БПЦ за бугарски, а СПЦ за српски, особено што тамошните историчари тврдат дека неговото потекло е близу Врање.
Се чини дека тоа што не им успева на историчарите од заедничката историска комисија да го постигнат, околу настани и личности за зеадничко чествување, на владиците им оди добро од рака, па така Свети Јоаким Осоговски доби заедничко чествување, како дел од заедничката историја на трите цркви.
Pa podobro e da se združat koga ne možat eden drug da pobeda. I tie ne se načisto za mnogu raboti. Ne znaat na kogo da služat dali na kesar ili na Hristos. Sekoja kuka na kaj sebe vleče.
Dopolnenie: sekoe juče laje pred čija vrata leb dobiva. Ne znači ako nosat bradi pa da se mudri, ako e taka i jarec bi bil najpameten.