Епископот Делчевско-каменички Марко сослужуваше со Бугарскиот патријарх Даниил во Видинската епархија, во храмот посветен на Светиот Дух во градот Монтана.
-После вдахновената беседа и поздравот до гостинот од страна на Бугарскиот Патријарх, на крајот на Литургијата, Епископот Марко со одбрани зборови му се заблагодари на Неговата Светост за поканата и му ги пренесе поздравите од Неговото Блаженство Архиепископот Охридски и Македонски г.г. Стефан. Предходниот ден, во саботата Епископот Марко со придружбата беше достоинствено дочекан во Клисурската света обител „Св. Кирил и Методиј“ од Неговото Сепреподобие архимандритот Антим и од Високопреподобната игуманија Таисија со сестрите, велат од Епархијата.
