Владиката Петар служеше во Цетиње – не го спомна Архиепископот Стефан на литургијата

Преспанско-пелагинискиот митрополит Петар служел во Цетинскиот манастир во Црна Гора, заедно со Црногорско-приморскиот митрополт Јоаникиј.

Она што е за одбележување е што владиката Петар за време на литургијата, на Големиот Вход, не го споменува Архиепископот г.г. Стефан, кој нему му е поглавар, туку само Српскиот Патријарх Порфириј.

Пракса во православните цркви кога сослужуваат двајца архиереи од две различни цркви е да бидат спомнати поглаварите и на двете цркви. Владиката Тимотеј кога лани служеше во Половдив со тамошниот владика Николај, за време на литургијата го спомна Архиепископот Стефан со неговата титула Архиепископ Охридски и Македонски.