30 дечиња скокаа по светиот крст во Трубарево

Црквата Свети Ѓорги Победоносец во Трубарево и годинава беше место каде по светиот крст за Водици скокаа најмалите. Ова е четврта година по ред како свештеникот во црквата, Отец Бобан организира водосвет на Богојавление во мал базен во кој влегуваат дечиња на возраст од 7 до 11 години.

Годинава имаше пријавено 30 дечиња кои учествуваа во прославата на празникот. За одбележување е што сите дечиња пред да влезат во водите на базенот во дворот на црквата, учествуваат подготвително на светата литургија. Најсреќниот добива убава икона со ликот на Исус Христос и светиот крст. Поклони во форма на икони и крстови добиваат и останатите учесници во прославата на Водици.

Поврзани написи:

Епархиска слава во Куманово Уште еден монах во Преспанско-пелагониските манастири на МПЦ ДИМИТРИЕВ: Да продолжиме да градиме и создаваме заеднички Министерот Спасовски во посета на црквата Свети Никола во Бутел